Pengalaman Pribadi
Nari
kanggo IOAA
Nalika
SMA aku wis tau nari kanggo ngisi acara IOAA, yaiku International Olympiad on
Astronomy and Astrophysic. Pas kui aku isih kelas 11. Penarine seka SMA ku kira
kira ana wong 30. Tarian sik ditampilke yaiku tari Laskar Tidar. Tarian khas
saka SMA ku anggitane Bu Nirmala. Ning kana uga ana pengisi acara saka daerah
liya. Pasugatane uga warna warna, ana tari, ana sik keroncongan, ana karawitan
modern lsp. Acara kui kalaksanan ning Candi Borobudur Kab Magelang.
Aku
sakanca mangkat seka SMA ku jam 8 esuk. Numpak bis bareng bareng. Ya kira kira
setengah jam wis tekan platarane Candi Borobudur. Tekan kana banjur dikon maem
sedhela bar kuwi gladi resik karo njajal panggunge. Sakwise rampung gladi resik
banjur padha mulai make up. Acara jam 7 bengi nanging make up e seka jam 1
awan, mergane bocahe akeh samare ora kecandhak wektune. Ning kana wis padha iso
make up dhewe dhewe, amarga wis kulina seka kelas 10 ana kelas khusus nggo
macak (beauty class). Ora krasa disambi make up, ngerti ngerti wis jam 7 bengi.
Acarane wis diwiwiti. SMA ku kebagian dadi penampil nomer 3. Wis tekan wayahe
aku tampil, atiku dadi deg degan. Mergane tamu sik teka ora sembarangan, yaiku
kira kira seka 60 negara sik melu acara iki. Pasugatan nomer 2 wis rampung. La
saiki wayahe nggon SMA ku. Sakdurunge tampil, kaya biasane yaiku padha ndonga
bareng bareng supaya diparingi kesuksesan.
Ora
krasa 15 menit wis rampung anggonku nari karo sakanca. Alhamdulillah diparingi
lancar lan sukses. Kabeh penontone padha tepuk tangan rame banget. Atiku wis
ora deg degan meneh nanging lego lan seneng mergane wis rampung. Sakwise
rampung, banjur ana sik padha njaluk foto uga ana sik langsung maem sik wis
dicepake kaya prasmanan. pas awakku meh njikuk maem karo kancaku, ujug ujug ana
sik njawil tanganku. Jebule wong bule sik ameh njaluk foto. Duh senenge atiku
dijaki foto karo bule hehehe.
Sakrampunge
anggonku maem karo kanca kanca, banjur dikon menyang bali ning SMA meneh. Kira
kira jam 10 bengi. Aku lan sakanca ora melu nganti rampung acarane, mergane
esuke bakal nari meneh ning Akademi Militer (Akmil) kanggo acara pelepasan
taruna.
Komentar
Posting Komentar